Canllawiau Traethawd i Fyfyrwyr Presennol

Ydych chi ar eich taith Meistr mewn Athroniaeth (MPhil) neu Ddoethur mewn Athroniaeth (PhD)? A oes gennych gymeradwyaeth foesegol ar waith fel sy'n berthnasol* ac a yw eich casglu data ar y gweill neu'n gyflawn? Os felly, isod mae rhywfaint o wybodaeth allweddol sy'n ymwneud â'r broses cyflwyno traethawd ymchwil a allai fod o gymorth ar y cam hwn. 

**Dylai’r holl ymchwil a wneir dan nawdd y Brifysgol, sy'n cynnwys cyfranogwyr dynol, deunydd dynol, data personol, anifeiliaid, neu ymchwil a all gael effaith andwyol ar yr amgylchedd, dderbyn cymeradwyaeth gan Bwyllgor Moeseg Ymchwil y Brifysgol cyn dechrau'r ymchwil.   Am ragor o wybodaeth, ewch i Moeseg Ymchwil a Cymeradwyaeth Foesegol ar gyfer Prosiectau Traethawd Ymchwil Ôl-raddedig.

A ellir newid teitl y traethawd ymchwil cyn cyflwyno?

Gall myfyrwyr wneud cais i newid teitl y traethawd ymchwil, yn enwedig pan fydd yn adlewyrchu newid i/esblygiad yr ymchwil. Rhaid darparu rhesymeg dros y newid yn y cais. Gellir gweld y ffurflen Newid Teitl Traethawd Ymchwil yma.

Pryd mae traethawd ymchwil yn cael ei gyflwyno fel arfer?

Er mwyn bod yn gymwys ar gyfer dyfarnu gradd ymchwil, mae'n rhaid i fyfyriwr gyflwyno traethawd ymchwil a mynychu arholiad Viva Voce. Mae angen cymeradwyaeth derfynol y dyfarniad gan Fwrdd Asesu Dilyniant a Dyfarniadau Prifysgol Caer (APAB) erbyn diwedd y cyfnod cofrestru.
Yn gyffredinol, yn ystod blwyddyn 3 (Llawn amser) neu flwyddyn 6 (Rhan amser) PhD, y bydd statws y traethawd ymchwil (neu unrhyw ddeunydd ychwanegol) yn agosáu at fod yn barod i'w gyflwyno.

Isafswm ac uchafswm cyfnodau cyflwyno traethawd ymchwil:

*Isafswm Cyfnod Cyflwyno: Y dyddiad cynharaf y gall myfyriwr gyflwyno ei draethawd ymchwil

*Uchafswm Cyfnod Cyflwyno: Y dyddiad olaf y gall myfyriwr gyflwyno ei draethawd ymchwil

*Uchafswm cyfnod cofrestru: Uchafswm yr amser a ganiateir i fyfyriwr gwblhau ei raglen ‐ mae hyn yn cynnwys cyfnodau o ataliad, estyniad ac ailgyflwyno.

Sut ydych chi’n gwybod eich bod yn barod i gyflwyno eich traethawd ymchwil?

Fel rheol sylfaenol, mater i'r myfyriwr yw penderfynu a yw ei waith ar y lefel ofynnol o aeddfedrwydd i'w gyflwyno ai peidio a'i fod o fewn yr uchafswm cyfnod cyflwyno a ganiateir ar gyfer y dyfarniad. Fodd bynnag, cynghorir myfyrwyr yn gryf i drafod eu gwaith a'u traethawd ymchwil gyda'u Tîm Goruchwylio cyn cyflwyno. Os nad yw'r tîm goruchwylio'n meddwl bod y traethawd hir yn barod i'w gyflwyno/arholi a bod y myfyriwr yn anghytuno â'r farn hon, mae yna broses sy'n caniatáu cyflwyno yn erbyn cyngor y tîm goruchwylio.  

Beth yw gofynion cyflwyno'r traethawd ymchwil?

Mae myfyrwyr yn cael eu hannog i drafod cyflwyno eu traethawd ymchwil gyda'u tîm goruchwylio. Fel canllaw cyffredinol, bydd disgwyl i'r traethawd ymchwil fodloni'r meini prawf canlynol: 

• Ffurfio gwerthusiad systematig a beirniadol o'r pwnc ymchwil a chorff o wybodaeth sydd bwysicaf yn y ddisgyblaeth academaidd, maes astudio neu'r parth creadigol y mae'r ymchwil yn ymwneud ag ef; a
• Dangos dealltwriaeth fanwl o'r dulliau ymchwil yn y ddisgyblaeth academaidd, maes astudio neu'r parth creadigol perthnasol y mae'r ymchwil yn ymwneud ag ef; a
• Dangos cyfraniad annibynnol a gwreiddiol i gorff gwybodaeth disgyblaeth academaidd, maes astudio, neu barth academaidd mewn ffordd sy'n ymestyn pwysigrwydd y ddisgyblaeth academaidd, maes astudio neu barth creadigol ac a fyddai'n gwarantu cyhoeddi ym marn cyfoedion; a
• Dangos y gallu i ymgymryd ag ymchwil pellach heb oruchwyliaeth, megis ymchwil a fyddai'n gwarantu cyhoeddi ym marn cyfoedion.

Uchafswm hyd traethawd ymchwil a gyflwynir ar gyfer gradd PhD yw 100,000 o eiriau. Lle mae'r traethawd ymchwil yn cyd-fynd â chyflwyno corff o waith artistig, ni fydd y traethawd ymchwil yn fwy na 50,000 o eiriau. Uchafswm hyd ar gyfer gradd MPhil yw 60,000 o eiriau. Lle mae'r traethawd ymchwil yn cyd-fynd â chyflwyno casgliad o ddeunyddiau creadigol gwreiddiol, ni fydd y traethawd ymchwil yn fwy na 30,000 o eiriau. Mae'r cyfanswm geiriau hwn yn cynnwys troednodiadau a chyfeiriadau ond nid atodiadau na'r llyfryddiaeth.

Mae'r wybodaeth yn yr atodiadau yn atodol i'r traethawd ymchwil ac felly ni ddylai gynnwys deunydd sy'n rhan annatod o'r traethawd ymchwil ei hun. Bydd yr arholwyr ond yn cyfeirio ato lle maent yn credu bod hynny'n angenrheidiol ac efallai na fydd pob un yn cael ei ddarllen gan yr arholwyr. Rhaid cynnwys gwybodaeth y mae'r myfyriwr yn teimlo sy'n hanfodol i'w ddadl ym mhrif gorff y traethawd ymchwil. O ran y PhD, ni ddylai'r atodiadau fod yn fwy na naill ai 20,000 o eiriau neu 80 tudalen ac mewn perthynas â'r MPhil ni ddylai'r atodiadau fod yn fwy na 12,000 o eiriau neu 48 tudalen.

Cyflwyno Traethawd Ymchwil

Cysylltwch â studentadministration@wrexham.ac.uk gadarnhau trefniadau cyflwyno traethawd ymchwil gan gynnwys y gofyn am unrhyw gopïau clawr meddal o'r traethawd ymchwil. Mae gofyn i fyfyrwyr gyflwyno copi electroneg o'u traethawd ymchwil drwy Turnitin ac fel arfer fe gyflwynir copi electroneg o'r traethawd ymchwil i Gweinyddiaeth Myfyrwyr.

Ceir canllawiau pellach yn y Polisi Cyflwyno Traethawd Ymchwil.

A oes yna unrhyw ystyriaethau cyfrinachedd ar gyfer traethawd ymchwil?

Disgwylir fel arfer y bydd canlyniadau ymchwil ôl-raddedig a gofnodir mewn traethawd ymchwil ac archwiliwyd ac a gymeradwywyd ar gael yn agored trwy lyfrgelloedd a storfeydd ymchwil er bydd y gymuned ymchwil ehangach a'r cyhoedd yn gyffredinol. Os oes elfennau o'r traethawd ymchwil sy'n cael eu hystyried yn arbennig o gyfrinachol, rhaid i'r myfyriwr hysbysu'r tîm Gweinyddiaeth Myfyrwyr cyn cyflwyno'r traethawd ymchwil fel y gellir hysbysu eu harholwyr.

Mewn achosion eithriadol, ac yn ôl disgresiwn y ddau Sefydliad, gellir gofyn am gyfyngiadau.  Fel arfer, dim ond er mwyn sicrhau bod hawliau eiddo deallusol yn cael ei sefydlu'n ffurfiol, i ddiogelu deunydd sy'n sensitif yn fasnachol, neu i amddiffyn ffynonellau gwybodaeth lle gellir sefydlu sensitifrwydd i ddiogelu buddiannau/preifatrwydd unigolion.

A oes yna unrhyw ganllawiau ar hawliau eiddo deallusol?

Mae polisi Eiddo Deallusol (IP) Prifysgol Wrecsam yn berthnasol i fyfyrwyr ymchwil ôl-raddedig. Mae perchnogaeth IP fel arfer yn cael ei ystyried yn gynnar yn yr astudiaethau ymchwil ôl-raddedig,
Mae'r traethawd ymchwil yn un enghraifft o "allbwn ymchwil". Mae sawl math o allbwn ymchwil, gan gynnwys ysgrifau a gyhoeddir mewn cyfnodolion, patentau, llyfrau ac arddangosfeydd, a “gwybod‐ sut”. Mae'r rhain i gyd yn cynnwys IP o ryw fath neu'i gilydd. Mae myfyrwyr yn meddu ar safle gwahanol i aelodau staff.

Am ragor o wybodaeth am berchnogaeth, a defnydd o, IP a grëwyd gan fyfyrwyr a staff ewch i dudalennau Arloesedd a Masnacheiddio neu cysylltwch â'r tîm Arloesedd a Masnacheiddio ar enterprise@wrexham.ac.uk.   

Gwybodaeth Ychwanegol

Canllawiau ar eich Viva Voce

Canllawiau ar eich uwchraddio

Am ragor o wybodaeth, ewch i Myfyrwyr Ymchwil Ôl-raddedig neu e-bostiwch researchoffice@wrexham.ac.uk.