Cwestiynau Cyffredin ynghylch ffioedd i fyfyrwyr israddedig llawn amser sy’n dychwelyd

Content Accordions

• Beth yw’r swm newydd ar gyfer ffioedd dysgu?

  £9,535 yw’r uchafswm ffi newydd a ganiateir ar gyfer rhaglenni israddedig llawn amser ym mhrifysgolion Cymru.
  
  Ar gyfer myfyrwyr Blwyddyn Sylfaen sy’n astudio pwnc yn yr ystafell ddosbarth, bydd y ffi yn £5,760. Gweler y pwynt nesaf am ragor o wybodaeth.

• Beth yw’r Swm Ffioedd Dysgu Newydd ar gyfer Astudiaeth Blwyddyn Sylfaen?

  O ddechrau’r flwyddyn academaidd 2025 i 2026, mae ffioedd dysgu newydd yn cael eu cyflwyno i flynyddoedd sylfaen mewn rhai pynciau.
  
  Bydd myfyrwyr yn talu ffi ddysgu lai o £5,760 os ydyn nhw’n gwneud blwyddyn sylfaen mewn pwnc sy'n cael ei astudio yn yr ystafell ddosbarth, fel:

  • Busnes
  • Gwyddor gymdeithasol
  • Dyniaethau

  Mae ffioedd dysgu a benthyciadau ffioedd dysgu ar gyfer blynyddoedd sylfaen mewn pynciau nad ydynt yn cael eu hastudio yn yr ystafell ddosbarth yn parhau i fod yn £9,535. Mae’r pynciau hyn yn cynnwys:

  • Gwyddoniaeth
  • Peirianneg
  • Pynciau meddygol
  • Celfyddydau perfformio a chreadigol

  Mae'r rhestr o feysydd pwnc ffioedd i'w chael yma.

• Sut y byddaf yn gwybod beth yr wyf yn ei dalu?

  Mae’r ffioedd yn berthnasol i fyfyrwyr newydd a myfyrwyr sy’n dychwelyd.

  Os ydych yn cael eich ariannu gan y Cwmni Benthyciadau Myfyrwyr (SLC), byddwch yn derbyn e-bost gan y SLC yn rhoi gwybod ichi bod y cyfanswm y gellir ei gyllido ar gyfer eich ffioedd dysgu wedi cynyddu i £9,535 neu £5,760 ar gyfer Blwyddyn Sylfaen mewn pwnc sy'n cael ei astudio yn yr ystafell ddosbarth.

  Os ydych yn hunan-gyllido neu yn cael cyllid gan noddwr, bydd eich ffi yn cynyddu i £9,535 neu £5,760 ar gyfer Blwyddyn Sylfaen mewn pwnc sy'n cael ei astudio yn yr ystafell ddosbarth a bydd yr anfoneb a roddir i chi/eich noddwr yn adlewyrchu’r ffi newydd.

• Mae Fy Ffioedd Dysgu yn Cael eu Hariannu gan GIG Cymru drwy Fwrsariaeth Ffioedd Dysgu AaGIC.

  Mae Fy Ffioedd Dysgu yn Cael eu Hariannu gan GIG Cymru drwy Fwrsariaeth Ffioedd Dysgu AaGIC. A Oes Angen I Mi Wneud Unrhyw Beth?

   

  Nac oes. Nid oes angen i chi wneud unrhyw beth os caiff eich ffioedd dysgu eu hariannu gan AaGIC.

  Fodd bynnag, os ydych yn astudio ar gwrs AaGIC ond rydych wedi optio allan o'r fwrsariaeth ffioedd dysgu AaGIC, mae pwynt 3 uchod yn berthnasol.

• A fydda i’n gallu cymryd benthyciad myfyrwyr uwch i dalu am y newid yn y ffioedd?

  Byddwch. I gefnogi myfyrwyr, bydd y Cwmni Benthyciadau Myfyrwyr yn cynyddu’r swm y gallwch ei hawlio ar gyfer ffioedd dysgu. Os ydych wedi gwneud cais i fenthyg y swm llawn i dalu eich ffi, caiff y swm hwnnw ei gynyddu’n awtomatig i £9,535 neu £5,760 ar gyfer Blwyddyn Sylfaen mewn pwnc sy'n cael ei astudio yn yr ystafell ddosbarth. Myfyrwyr sydd wedi dewis yn weithredol i wneud cais am swm is na’r uchafswm yw’r unig rai na fydd yn gweld swm eu benthyciad yn cynyddu’n awtomatig.

• Rydw i wedi gohirio mynd i’r Brifysgol. Pa ffi fydda i’n ei dalu?

  Mae’r Brifysgol yn cyhoeddi ffioedd yn flynyddol ar gyfer pwyntiau mynediad yn y dyfodol a byddwch yn talu'r swm sy’n berthnasol ar y pwynt hwnnw.  Caiff hyn ei nodi yn y llythyr cynnig newydd y byddwch yn ei dderbyn cyn dechrau gyda ni.

• Rydw i’n fyfyriwr rhyngwladol. A fydd y newidiadau’n effeithio arnaf?

  Ni fydd penderfyniad Llywodraeth Cymru i gynyddu’r cap ar ffioedd dysgu i israddedigion yn effeithio ar y ffi a godir ar hyn o bryd ar fyfyrwyr rhyngwladol.

• Mae gen i gwestiwn o hyd ynglŷn â ffioedd, gyda phwy ydw i'n cysylltu?

  Os ydych chi'n ymgeisydd newydd sy'n gwneud cais i astudio ym Mhrifysgol Wrecsam ym mis Medi, e-bostiwch admissions@wrexham.ac.uk. Os ydych chi'n fyfyriwr presennol a fydd yn dychwelyd ym mis Medi, e-bostiwch fees@wrexham.ac.uk.