Celf

Celf+

Celf+ yw menter ymchwil strategol Ysgol Gelf Wrecsam i hyrwyddo ymchwil artistig cydweithredol gydag ystod o sefydliadau partner dethol. Ariennir trwy amrywiaeth o grantiau a chyllid datblygu ymchwil.

Darganfod mwy...

Cwrdd â'r Tîm

“Mae ymchwil Ali Roscoe yn ‘ymchwiliad i’r berthynas rhwng meddwl materol, ymgysylltiad cyffyrddol a’r broses greadigol mewn ymarfer celfyddyd gain ac mae’n canolbwyntio ar grŵp o fyfyrwyr y mae Ali yn eu haddysgu yn Ysgol Gelf Wrecsam. Mae gweithio’n agos gydag unigolion a grwpiau yn galluogi Ali i ddatblygu ‘llwybrau’ lle gellir defnyddio creadigrwydd a gwybodaeth o brofiad uniongyrchol i ddod yn gyfarwydd â thrawma. ”

Ali Roscoe

Darlithydd Celfyddyd Gain

“Mae’r ymchwilydd Emma Preece yn ymchwilio i sut mae cynaliadwyedd, chwarëusrwydd/llawenydd ac ymgysylltiad cymunedol yn cyfrannu at les ac ansawdd bywyd. Mae Emma yn cynnal astudiaeth ymarfer o'r Rhaglen Celfyddydau Cyhoeddus yn Theatr Clwyd. Datblygwyd y prosiect i’w gyflawni gan fyfyriwr PhD preswyl, gyda’r prosiect yn gydweithrediad rhwng Ysgol Gelf Wrecsam, fel rhan o’r rhaglen Celf+, a Theatr Clwyd.”

Emma Preece

Cynorthwyydd addysgu graddedig / Myfyriwr PhD

“Bu’r ymchwilydd Tracy Simpson yn ymchwilio i rôl y celfyddydau gweledol wrth greu gofod cymdeithasol a sut mae artistiaid, sefydliadau celfyddydol a chymunedau’n cydweithio â’i gilydd (neu beidio!). Mae cydweithredu wedi cynyddu ar draws y celfyddydau yn y blynyddoedd diwethaf i'r graddau y mae wedi dod yn ddisgwyliad gan sefydliadau celfyddydol, ac yn gynyddol artistiaid, i weithio mewn partneriaeth ag eraill i dderbyn arian cyhoeddus. ”