Ehangu mynediad
Mae croeso i bawb ym Mhrifysgol Glyndŵr Wrecsam.
Rydym wedi ymrwymo i sicrhau y rhoddir cyfle i bawb sydd â'r potensial i gyflawni mewn addysg uwch wneud hynny. Mae hyn yn golygu, beth bynnag fo'ch cefndir, oedran, rhyw neu anabledd, ein bod yn cynnig cymorth a chyngor i'ch helpu i lwyddo yma.
Mae Prifysgol Glyndŵr Wrecsam yn gwerthfawrogi amrywiaeth y cymunedau y mae'n eu gwasanaethu, a'r myfyrwyr rydym yn eu haddysgu. Rydym yn darparu cymorth penodol i chwalu rhwystrau gan gynnwys gwahaniaethau iaith, diwylliannol a ffydd, er mwyn creu ymdeimlad o gydraddoldeb a chydlyniant i bawb.
Ym Mhrifysgol Glyndŵr Wrecsam, mae'n bwysig i ni y gall pobl o gartrefi incwm is nid yn unig anelu at addysg prifysgol ond hefyd ei defnyddio. Daw chwarter o'n graddedigion o'r hyn a elwir yn gymdogion cyfranogiad isel. Yn syml, mae'r rhain yn bobl nad oeddent byth yn meddwl y gallent fynd i'r brifysgol ond a wnaeth.
Mae ein llwyddiant yn helpu i sicrhau chwarae teg ac yn mynd i'r afael â materion allweddol fel tlodi plant ac annhegwch. Dyna pam rydym wedi cymryd yr awenau yng Nghymru, gan osod arfer gorau a sefydlu meincnodau ar wella mynediad i addysg uwch.
Pobl sy'n Gadael Gofal a Myfyrwyr sydd wedi Ymddieithrio
Mae Prifysgol Glyndŵr Wrecsam wedi ymrwymo i gefnogi ei myfyrwyr ar eu taith o adael gofal i addysg uwch. Rydym yma bob cam o'r ffordd a gallwn eich cefnogi drwy gydol eich taith brifysgol gyfan.
Fel prifysgol yng Nghymru, rydym hefyd yn rhan o CLASS Cymru, sy'n anelu at ddarparu'r profiad gorau posibl o addysg bellach ac uwch i oedolion ifanc sy'n agored i niwed, gan gynnwys plant a phobl, ifanc mewn gofal, gofal perthynas, pobl sy'n gadael gofal ac sydd wedi ymddieithrio oddi wrth deuluoedd.
Dysgwch fwy am gymorth i'r rhai sy'n gadael gofal yma.
Dysgwch fwy am y gefnogaeth i fyfyrwyr sydd wedi ymddieithrio yma https://www.propel.org.uk/Details/glyndwr-university
Os ydych yn ystyried dod i'r brifysgol a'ch bod yn gadael gofal neu'n fyfyriwr sydd wedi ymddieithrio, cysylltwch â'r cydlynydd ehangu mynediad amber.percy@glyndwr.ac.uk neu ffoniwch ar 01978293342 i drafod eich camau a'ch cefnogaeth nesaf.
Grwpiau Cymunedol
Mae gan ein hadran Ehangu Cyfranogiad gysylltiadau cryf â'r gymuned leol mewn ardaloedd fel Caia/Hightown a'r Pentrefi Trefol, yn ogystal ag yn Nwyrain a Gorllewin Sir y Fflint, SW y Rhyl a Dinbych Uchaf. Mae ein gwaith yn cael ei ymestyn ar draws ardaloedd cod post blaenoriaeth eraill yng Nghymru a dros y ffin yn Lloegr. Ein nod yw ymgysylltu â'r aelodau anoddaf eu cyrraedd o'n cymuned yn ein hymgais i gefnogi plant ac oedolion i gydnabod manteision enfawr addysg.
Mae ein staff yn gweithio'n helaeth gyda grwpiau cymunedol i ddarparu dysgu oedolion ac allgymorth sy'n hyrwyddo addysg uwch i ysgolion a grwpiau. Er mwyn eu hannog i werthfawrogi profiad y brifysgol, rydym yn cyflwyno amserlen lawn o ddigwyddiadau a seminarau i godi ymwybyddiaeth, ysbrydoli ac ymgysylltu â'r gymuned leol.
Menter Ymestyn yn Ehangach
Mewn cydweithrediad â phartneriaid lleol, mae Prifysgol Glyndŵr Wrecsam wedi bod yn chwaraewr allweddol wrth hyrwyddo a datblygu ystod o wahanol weithgareddau Ymestyn yn Ehangach i godi ymwybyddiaeth o addysg uwch.
Mae'r fenter Ymestyn yn Ehangach yn strategaeth cyngor Cyllido Addysg Uwch Cymru gyfan (CCAUC), a sefydlwyd yn 2002, i ehangu cyfranogiad a mynediad i addysg uwch, cefnogi cynhwysiant cymdeithasol a gwella sgiliau.
Mae'r fenter Ymestyn yn Ehangach yn canolbwyntio ar bedwar prif grŵp o bobl sydd wedi'u tangynrychioli mewn Addysg Uwch ar hyn o bryd. Y grwpiau hyn yw'r rhai sy'n byw mewn ardaloedd lle mae pobl sy'n mynychu addysg uwch yn is, pobl o gymunedau lleiafrifoedd ethnig,y rhai sy'n dymuno astudio drwy gyfrwng y Gymraeg a phobl ag anabledd.
Ym Mhrifysgol Glyndŵr Wrecsam, rydym yn gweithio'n agos gyda'r Coleg Cymraeg Cenedlaethol i ddatblygu cyfleoedd cyfrwng Cymraeg i fyfyrwyr.
Rydym hefyd yn darparu sgyrsiau cyfrwng Cymraeg i fyfyrwyr 6ed dosbarth sy'n meddwl am addysg uwch. Fel rhan o rhaglan Byd Gwaith, rydym hefyd yn cynnig sgyrsiau gyrfa i ddisgyblion blwyddyn 6 drwy gyfrwng y Gymraeg.
Dim ond enghraifft fach o'r gwaith allgymorth y mae Prifysgol Glyndŵr Wrecsam yn ei wneud gydag ysgolion, sefydliadau a grwpiau cymundefol yw'r prosiectau Ymestyn yn Ehangach hyn.
Os hoffech gael rhagor o wybodaeth am unrhyw un o'n prosiectau neu os hoffech ymwneud â'r brifysgol, cysylltwch â amber.percy@glyndwr.ac.uk neu ffoniwch 01978 293342.
