Celfyddydau, Cyfrifiadura, a Pheirianneg
Ynghylch y Gyfadran
Mae gan Gyfadran y Celfyddydau, Cyfrifiadura, a Pheirianneg ym Mhrifysgol Wrecsam hanes cyfoethog o arloesedd ym maes y Celfyddydau a Gwyddoniaeth, sy’n dyddio’n ôl i 1887. Mae’n entrepreneuraidd ac yn uchelgeisiol o safbwynt ei chenhadaeth i gyfrannu at dwf economaidd y rhanbarth trwy gysylltiadau cryf â diwydiant ynghyd â meddwl mewn modd creadigol. Rydym yn ymfalchïo yn ein hymchwil gymhwysol - hynny yw, ymchwil sy’n gwneud gwahaniaeth i fyd diwydiant, cymunedau ar lefel ranbarthol a chenedlaethol, a ledled y byd. P’un a yw hynny ar lefel leol neu ryngwladol, ar raddfa fach neu fawr, mae’r pwyslais bob amser ar ddatrys problemau a chyfrannu at anghenion go iawn.
Yr Athro Alec Shepley
Deon cyswllt ar gyfer ymchwil
“Mae ein themâu ymchwil yn cyd-fynd â Nodau Datblygu Cynaliadwy y Cenhedloedd Unedig sy’n ffurfio ein glasbrint ar gyfer gweithredu yng Nghymru trwy Ddeddf Llesiant Cenedlaethau'r Dyfodol 2015. Mae’r themâu hyn yn caniatáu i’n hymchwilwyr ymgorffori eu gwaith mewn Fframweithiau Sefydliadol a Rheoleiddiol yng Nghymru gyda sylw ar weithredu ar y newid yn yr hinsawdd, ynni glân fforddiadwy, gwaith teilwng a thwf economaidd, ynghyd â chymunedau cynaliadwy”
Meysydd Arbenigedd
Gwaith Myfyrwyr Ymchwil
Rydym yn ymfalchïo yn ein hymchwil gymhwysol - hynny yw ymchwil sy'n gwneud gwahaniaeth i ddiwydiant a chymunedau yn rhanbarthol ac yn genedlaethol. Mae gwaith ymchwil a chydweithrediadau trawsddisgyblaethol yn gyffredin ar draws adrannau ac mae amrywiaeth eang o arbenigeddau yn bodoli yn y Gyfadran.
