Concordat Datblygu Ymchwilwyr

Mae'r Concordat i Gefnogi Datblygiad Gyrfa Ymchwilwyr, sef y Concordat Datblygu Ymchwilwyr, yn gytundeb rhwng ymchwilwyr, rheolwyr ymchwilwyr, sefydliadau, a chyllidwyr ymchwil ar y disgwyliadau ar gyfer datblygiad proffesiynol ac amodau cyflogaeth ymchwilwyr yn y DU.

Llofnododd Is-ganghellor Prifysgol Glyndŵr Wrecsam, yr Athro Maria Hinfelaar, y Concordat Datblygu Ymchwilwyr ar 14 Chwefror 2022. Mae ein llythyr ymrwymiad, ynghyd â'n dadansoddiad o fylchau, cynlluniau gweithredu, ac adroddiad blynyddol i'w gweld isod.

Maria yn arwyddo Concordat ar gyfer Prifysgol Glyndŵr Wrecsam

Er mwyn sicrhau ein bod yn cwblhau ein cynllun gweithredu ac yn cyflawni ein cyfrifoldebau hyd eithaf ein gallu, rydym wedi ffurfio Gweithgor Concordat Datblygu Ymchwilwyr, sy’n cynnwys 18 aelod o bob rhan o’r Brifysgol ar wahanol gamau gyrfa. Mae wyth aelod yn staff gwasanaethau proffesiynol, mae deg yn academyddion, ac mae gan lawer gyfrifoldebau rheoli.

Esboniad o'r Concordat Datblygu Ymchwilwyr

Trawsgrifiad

Hyfforddiant a Datblygu Ymchwil

Hyfforddiant Ar gyfer Myfyrwyr Ymchwil Ôl-raddedig, Ôl-ddoethurol, Cynorthwywyr Ymchwil a Staff Academaidd

Gweithredoedd Presennol

Ymchwilio i Bynciau Sensitif, Caffi Diwylliant

Ar gychwyn Rhagfyr 2023, cynhaliodd Dr Tegan Brierley-Sollis y Caffi Diwylliant Ymchwil cyntaf erioed i’w arwain gan berson academaidd, ar ymchwilio i bynciau sensitif, yn Wrecsam.

Trafododd y grŵp bach a fynychodd yr heriau cynhenid wrth ymchwilio i bynciau sensitif - yn arbennig gyda grwpiau o bobl ymylol. Roedd rhai o’r pwyntiau a godwyd yn ystyried beth yn union yw ‘sensitif’, sut y gallwn wrando’n well a chynnig dehongliadau gonest o eiriau pobl.

Nesaf, darllenodd y grŵp ddogfen ddrafft ‘Canllawiau ar gyfer Ymarfer Ymchwil sy’n Ystyriol o Drawma’, a grëwyd gan Tegan yn seiliedig ar dystiolaeth ymchwil. Cododd rhai mewnwelediadau hynod ddiddorol am yr adrannau ar iaith a hunanofal, ac elwodd y grŵp o safbwyntiau aml-ddisgyblaethol y mynychwyr ar bynciau cyfreithiol, cyfiawnder troseddol, plismona, seicoleg, a pheirianneg.

Ar y pryd, dywedodd Tegan,

“Roedd y Caffi Diwylliant yn ffordd wych o gysylltu ag ymchwilwyr ar faterion yn ymwneud ag ymchwilio pynciau sensitif. Roedd y drafodaeth yn hynod fuddiol, a bydd o help wrth ffurfio canllaw ymchwil sy’n ystyriol o drawma.”

Yn dilyn y sesiwn, caiff y ddogfen ganllawiau ei drafftio ac mae bellach wedi ei rhannu â gwahanol bwyllgorau/grwpiau o fewn y brifysgol am adborth pellach gan bobl â gwahanol safbwyntiau e.e. cydraddoldeb hiliol. Unwaith y gwneir yr addasiadau, yn seiliedig ar adborth, cyhoeddir y ddogfen fel y gall ymchwilwyr eraill ddefnyddio’r canllawiau.

“Bu’r Caffi Diwylliant o gymorth mawr i adeiladu sylfaen ar yr hyn y dylid ei gynnwys yn y ddogfen, a bu’n gyfle i gyfrannu i’r cynnwys. Rwy’n credu ei fod wedi rhoi’r lle a’r amser i’r rhai a fynychodd i fyfyrio ar eu profiadau eu hunain hefyd.”