Prosiect Ysgolion Cymunedol: Amcangyfrif gwaelodlin o arferion, credoau ac agweddau ysgolion yng Nghymru
Mawrth 2023
Fel rhan o brosiect a gomisiynwyd gan Lywodraeth Cymru, mae ymchwilwyr ym Mhrifysgol Glyndŵr Wrecsam ar hyn o bryd yn ymgymryd ag ymchwil arloesol ar y ffordd sylfaenol yr ydym yn canfod rôl ysgolion yng Nghymru. Gan weithio gyda chydweithwyr o Brifysgol Bangor, Prifysgol Metropolitan Caerdydd, Prifysgol Abertawe, a Phrifysgol Cymru y Drindod Dewi Sant, mae Tomos Gwydion ap Sion a Dr Sue Horder yn ymchwilio i sut mae ysgolion yng Nghymru ar hyn o bryd yn cymharu ag arferion, credoau, ac agweddau ‘ysgolion cymunedol'. Mae’r ysgolion cymunedol hyn yn defnyddio gweledigaeth arloesol sy’n cyfleu’r rôl drawsnewidiol y gallai ysgolion ei chwarae ar gyfer disgyblion, teuluoedd, a’r gymuned ehangach.
Mae’r ymchwil hwn yn cael ei yrru gan ymrwymiad Llywodraeth Cymru i ddatblygu Ysgolion Cymunedol fel rhan annatod o’i strategaeth ar gyfer Tegwch mewn Addysg. Wedi’i lywio gan ymchwil academaidd a pholisi yn y DU ac yn rhyngwladol, bydd yr ymchwil hwn yn helpu i alluogi holl blant a phobl ifanc Cymru i gael darpariaeth deg a chyfiawn sy’n gyfartal â gallu a photensial, gan eu galluogi i ddod yn ddinasyddion gweithredol, pwrpasol ac i dyfu fyny’n iach, hyderus, ac yn wydn.
