Cyfadran y Gwyddorau Cymdeithasol a Bywyd
Ynghylch y Gyfadran
Fel Cyfadran y Gwyddorau Cymdeithasol a Bywyd rydym yn ymfalchïo yn ein portffolio ymchwil gymhwysol sy’n cael dylanwad cadarnhaol ar ein hardal leol a thu hwnt, trwy ein hamgylchedd ymchwil arloesol a chreadigol. Nod y diwylliant ymchwil sy’n datblygu gennym yw cefnogi ein staff a’n myfyrwyr sy’n gweithio ar wahanol lefelau i ddatblygu ethos o gydweithio ym maes ymchwil.
Canolbwynt gwaith ymchwil ein Cyfadran yw Iechyd a Lles. Mae ein llwyddiant o ran y Fframwaith Rhagoriaeth Ymchwil yn dangos ein hymrwymiad i hyn, gydag astudiaethau achos o ran ‘Digartrefedd yng Nghymru’ a ‘Polisi Alcohol a Chyffuriau’.
Bydd y Gyfadran yn lansio ei sefydliad ymchwil cyntaf ym mis Medi (2022), a arweinir gan yr Athro Iolo Madoc Jones, yr Athro Wulf Livingston, sef: ‘Cyfiawnder’ Y Sefydliad Ymchwil Cynhwysiant Cymdeithasol.
Dr Simon Stewart
Deon y Gyfadran
“Mae ein meysydd ymchwil yn cyd-fynd â’n Cenhadaeth Ddinesig, a Deddf Llesiant Cenedlaethau’r Dyfodol (2015), o ran datblygu ymchwil sy’n cael effaith gadarnhaol o safbwynt economaidd, cymdeithasol a diwylliannol, ar gyfer ein cymuned leol, ac ar lefel genedlaethol a rhyngwladol. Rydym yn arloesi ym maes rhagsefydlu (‘pre-habilitation’) o safbwynt ataliad y galon, gwaith croes-ddisgyblaethol ar addysgeg, ac yn gweithio’n rheolaidd gydag amryw ganghennau o Lywodraeth Cymru”
