BA (Anrh) Animeiddio (gyda Blwyddyn Sylfaen)

Beth fyddwch chin ei astudio

Bydd eich astudiaethau yn eich galluogi i gael profiad mewn sgiliau a thechnegau digidol a ddefnyddir i ddod â'ch dychymyg o syniadau i'r sgrin drwy, technegau animeiddio amrywiol, yn dibynnu ar ba rai rydych chi'n dewis arbenigo ynddo.

BLWYDDYN 1 (BLWYDDYN SYLFAEN)

Bydd y flwyddyn sylfaen yn eich cyflwyno i brif elfennau celf a dylunio.Byddwch yn archwilio'r broses meddwl yn greadigol sy'n ymwneud ag amrywiaeth o ddisgyblaethau celf a dylunio, gan ddatblygu'ch gallu i drosglwyddo'ch syniadau ar bapur yn gyflym. 

MODIWLAU

• Sgiliau Astudio ar gyfer Llwyddiant (Craidd): Bydd y modiwl hwn yn rhoi'r sgiliau hanfodol sydd eu hangen arnoch i ffynnu mewn amgylchedd dysgu digidol. Mae'n ymdrin â rheoli amser, technegau ymchwil, ysgrifennu academaidd, a llythrennedd digidol, gan sicrhau y gallwch lywio llwyfannau ar-lein, trefnu prosiectau, a chyfathrebu syniadau'n effeithiol mewn addysg uwch.
• Ymgysylltu â'r Celfyddydau (Craidd): Byddwch yn archwilio ac yn ymateb i gelf, gan ddatblygu sgiliau arsylwi a dadansoddi. Trwy brofiadau ymarferol, trafodaethau ac ymchwil, byddwch yn dysgu dehongli gwahanol arddulliau, technegau ac ystyron artistig. Mae'r modiwl hwn yn meithrin hyder mewn ymgysylltu â chelf yn feirniadol ac yn greadigol.
• Iaith Weledol (Craidd): Mae'r modiwl hwn yn cyflwyno egwyddorion sylfaenol meddwl creadigol mewn celf a dylunio. Mae'n archwilio sut mae elfennau fel cyfansoddiad, lliw a ffurf yn cyfrannu at gyfathrebu gweledol. Byddwch yn arbrofi gyda gwahanol gyfryngau a dulliau o ddatblygu eich llais artistig eich hun.
• Rhesymu Creadigol (Craidd): Gan ganolbwyntio ar gymhwyso syniadau’n ymarferol, mae’r modiwl hwn yn eich annog i ystyried gofod, deunyddiau a chynulleidfa wrth greu celf. Byddwch yn datblygu sgiliau datrys problemau, yn mireinio'ch penderfyniadau, ac yn arbrofi gyda thechnegau i wella'ch proses greadigol.
• Celfyddydau mewn Cyd-destun (Craidd): Byddwch yn archwilio sut mae celf yn cysylltu â hanes, diwylliant a chymdeithas. Trwy astudio symudiadau a dylanwadau artistig, byddwch yn dysgu dadansoddi a dehongli gweithiau celf o fewn eu cyd-destunau ehangach, gan gael dealltwriaeth ddyfnach o sut mae celf yn adlewyrchu ac yn siapio’r byd o’n cwmpas.
• Prosiect Dilyniant (Craidd): Yn y modiwl hwn, byddwch yn arddangos eich gwaith mewn arddangosfa oriel gyhoeddus, gan ganiatáu ichi ddathlu eich cyflawniadau a datblygu eich hyder.
• Cymraeg i Ddysgwyr Tro Cyntaf (Dewisol): Mae’r modiwl hwn yn rhoi cyflwyniad i’r Gymraeg i’r rhai sy’n cymryd eu camau cyntaf. 

BLWYDDYN 2 (LEFEL 4) 

MODIWLAU

• Hanes a Chyd-destun
• Cyfathrebu Gweledol
• Cyfathrebu Digidol
• Dylunio Cymdeithasol
• Adrodd Stori: Theori ac Ymarfer
• Dylunio rhyngweithiol

BLYWDDYN 3 (LEFEL 5) 

MODIWLAU

• Dylunio Symudiad
• Argraffu a Chynhyrchu
• Meddwl yn feirniadol
• Dyfodol Creadigol: Gwneud bywoliaeth
• Prosiect Dylunio: Animeiddio

BLWYDDYN 4 (LEFEL 6) 

MODIWLAU

• Prosiect Arbenigol: Animeiddio
• Prosiect Ymchwil
• Dyfodol Creadigol: Ymarfer Proffesiynol
• Briff Byw

Mae'r wybodaeth a restrir yn yr adran hon yn drosolwg o gynnwys academaidd y rhaglen a fydd ar ffurf modiwlau craidd neu fodiwlau dewisol. Mae modiwlau'n cael eu pennu'n rhai craidd neu rai dewisol yn unol ag anghenion corff proffesiynol ac adolygiad fframwaith academaidd mewnol, ac felly maent yn gallu newid.

Gofynion mynediad a gwneud cais

Cod UCAS: 259D

Y gofynion academaidd ar gyfer y cwrs hwn yw 48-72 pwynt tariff UCAS ond caiff pob cais ei ystyried yn unigol ac rydym yn ystyried profiad gwaith, hyfforddiant/cymwysterau galwedigaethol yn ogystal â chymhelliant a'r potensial i lwyddo.

Mae tîm y rhaglen yn croesawu ceisiadau gan unrhywun a all ddangos ymroddiad i'r pwnc a'r potensial i gwblhau eu rhaglen yn llwyddiannus. Gall hyn gael ei gadarnhau drwy ddangos cyflawniadau academaidd priodol neu drwy ddangos bod yr unigolyn yn meddu ar yr wybodaeth a'r gallu sy'n gyfateb i'r cymwysterau academaidd.

Caiff pob ymgeisydd naill ai ei gyfweld yn unigol neu ei wahodd i ddiwrnod ymgeiswyr lle cânt y cyfle i ddangos portffolio o'u gwaith. Mae'n bosibl y caiff profiad ei ystyried hefyd, yn enwedig yn achos yr ymgeiswyr nad ydynt yn bodloni'r gofynion academaidd uchod, yn dibynnu ar faint a dyfnder eu gwybodaeth pwnc. Gofynnir i fyfyrwyr dramor, nad ydynt yn medru mynychu cyfweliad, anfon eu portffoio o waith yn ddigidol er mwyn iddo gael ei ystyried.

Mae tiwtor derbyn yn ystyried pob cais yn unigol. Caiff gwahanol gymwysterau eu hystyried, gan gynnwys Cymwysterau Uwch yr Alban, Tystysgrif Ymadael Iwerddon, Bagloriaeth Cymru, y Fagloriaeth Ryngwladol, cyrsiau Mynediad, BTEC, VCE, GNVQ, lefelau A ac AS yn ogystal â chymwysterau tramor eraill. 

Addysgu ac Asesu

Nid oes arholiadau gosodedig. Mae asesu yn barhaus ac yn ymwneud â phob agwedd ar y rhaglen, gan roi pwyslais a ddiffinnir yn fwy gofalus ar asesu ffurfiannol ac adborth ar eich gwaith cwrs trwy gydol y flwyddyn academaidd. Byddwn yn eich cynghori ar eich lefel o gyrhaeddiad ac yn eich cyfeirio at strategaeth ar gyfer dilyniant pellach wrth i chi cwblhau aseiniadau a modiwlau.

Mae fformatau amrywiol o asesu i annog eich dysgu trwy seminarau grŵp, ymdriniaethau a thiwtorialau. Gall hyn fod trwy ryngweithio grŵp gyda dadansoddiad beirniadol lle byddwch yn cyflwyno ystod o waith gan gynnwys llyfrau braslunio, taflenni dylunio, gwaith celf gorffenedig, gwaith ar sail sgrin, ffeiliau technegol / cynhyrchu, cyfnodolion, traethodau, a chyflwyniadau clyweledol. Mae adolygiadau o waith ar adegau allweddol cyn y Nadolig a chyn y Pasg ac mae hyn yn rhoi amser i chi fyfyrio ar eich cynnydd cyn asesiad diwedd blwyddyn terfynol neu grynodol.

ADDYSGU A DYSGU

Rydym yn cynnig gweithdai a sesiynau cymorth mewn meysydd fel ysgrifennu academaidd, gwneud nodiadau effeithiol a pharatoi ar gyfer aseiniadau.

Gall myfyrwyr archebu apwyntiadau gyda thiwtoriaid sgiliau academaidd sy'n ymroddedig i helpu i ddelio ag ymarferoldeb gwaith prifysgol. Mae gan ein hadran cymorth myfyrwyr fwy o wybodaeth am y cymorth sydd ar gael.

O ran anghenion penodol, gall Gwasanaethau Cynhwysiant y Brifysgol ddarparu arweiniad a chymorth priodol pe bai unrhyw fyfyrwyr yn mynnu bod addasiadau rhesymol yn cael eu gwneud oherwydd anabledd cyffredinol cydnabyddedig, cyflwr meddygol, neu wahaniaeth dysgu penodol. 

Rhagolygon gyrfaol

Mae'n gwasanaeth Gyrfaoedd a Chyflogadwyedd yno i'ch helpu i wneud penderfyniadau a chynllunio'r camau nesaf tuag at ddyfodol disglair. O gael hyd i waith neu astudiaethau pellach i sylweddoli'ch diddordebau, sgiliau a'ch dyheadau, gallant roi'r wybodaeth, y cynogor a'r arweiniad arbenigol sydd eu hangen arnoch.

Rhoddir pwyslais ar eich datblygiad personol a phroffesiynol, sgiliau cyfathrebu ac entrepreneuraidd, fel eich bod yn gymwys iawn i fynd i mewn i ddiwydiant amrywiol sy'n newid yn gyflym. Mae ein graddedigion wedi mynd ymlaen i weithio i gwmnïau fel y BBC, Channel 4, S4C, a Disney, gan weithio ar deitlau megis A Bug’s Life,  The Corpse Bride, Frankenweenie a gemau cyfres Harry Potter. 

Mae cyfleoedd gyrfaol ym mhob maes animeiddio, gan gynnwys:  

• Blaenllaw megis uwch ddylunwyr 
• Artistiaid/animeiddwyr VFX 
• Artistiaid cysyniad 
• Artistiaid byrddau stori 
• Animeiddwyr cynorthwyol 
• Animeiddwyr llawrydd 
• Dylunwyr cymeriadau 
• Artistiaid gemau 
• Datblygwyr rhyngweithiol 
• Artistiaid amgylchedd a chefndir 
• Delweddwyr llawrydd 
• Gwneud modelau 
• Dylunio setiau 
• Celf gwead cyfryngau digidol 
• Paentio digidol 
• Cysodi 
• Goleuo, rigio, effeithiau gweledol ac ôl-gynhyrchu

Mae'r radd hon hefyd yn eich galluogi i ddatblygu ystod o sgiliau trosglwyddadwy a all arwain at amrywiaeth o gyfleoedd cyflogaeth. Mae cyfleoedd astudio pellach ar gael ar lefel MDes /PMA neu TAR hefyd.

Ffioedd a chyllid

Nid oes rhaid i chi dalu eich ffioedd dysgu ymlaen llaw.

Bydd y ffioedd rydych yn eu talu a'r cymorth sydd ar gael yn dibynnu ar nifer o ffactorau gwahanol. Gellir dod o hyd i wybodaeth lawn ar ein tudalennau ffioedd a chyllid. Byddwch hefyd yn dod o hyd i wybodaeth am yr hyn y mae eich ffioedd yn ei gynnwys yn y Cwestiynau Cyffredin ffioedd. 

Mae'r holl ffioedd yn ddarostyngedig i unrhyw newidiadau ym mholisi'r llywodraeth, edrychwch ar ein ffioedd israddedig.

Manyleb y rhaglen

Llety

Ym Mhrifysgol Wrecsam, rydym yn cynnig ystafelloedd en-suite ar y campws yn ein Pentref Myfyrwyr Wrecsam. Mae'r mannau preifat, wedi'u dodrefnu'n llawn hyn mewn lleoliad cyfleus, gan ddarparu mynediad hawdd i gyfleusterau campws, ardaloedd astudio, a mannau cymdeithasol. Hefyd, dim ond 10 munud ar droed ydych chi o ganol y ddinas! 

Gyda'r holl filiau wedi'u cynnwys, Wi-Fi am ddim, diogelwch 24/7, a meysydd cymdeithasol mawr, fe welwch bopeth sydd ei angen arnoch ar gyfer profiad myfyriwr gwych. 

Archwiliwch ein hopsiynau llety i ddod o hyd i'ch cartref perffaith oddi cartref.