Cyhoeddiad y Mis, Awst

O gysyniad i’r ystafell ddosbarth: Trawsnewid addysg Taffonomeg fforensig gyda ‘Decompanion’

Awst 2026

Dewis y Swyddfa Ymchwil ar gyfer mis Awst yw papur newydd yn Science & Justice, gan Dr Paige Tynan ac Amy Rattenbury.

Mae’r papur hwn yn archwilio “Decompanion”, platfform digidol mynediad agored sydd wedi’i ddylunio i drawsnewid addysg taffonomeg fforensig (astudiaeth o ddadelfennu a phrosesau post-mortem. Gall y maes hwn gael trafferth gyda heriau sylfaenol, fel myfyrwyr yn dysgu o ddelweddau statig ac arddangosiadau afreolaidd, tra bod realiti dadelfennu’n ymwneud ag amrywiadau cymhleth, rhyngweithiol sy’n anodd eu cyfleu mewn lleoliadau ystafell ddosbarth traddodiadol

Mae’r platfform Decompanion yn mynd i’r afael â heriau addysgiadol hanfodol ym maes gwyddoniaeth fforensig, gan gynnwys mynediad cyfyngedig at gyfleusterau dadelfennu dynol, dibyniaeth ar fodelau anifeiliaid, a dulliau addysgu anghyson. Mae’n cefnogi dysgu profiadol drwy labordai rhithwir, yn datblygu llythrennedd data drwy gronfeydd data strwythuredig, ac yn integreiddio ystyriaethau moesegol i addysg fforensig. Nid yw Decompanion yn disodli hyfforddiant ymarferol, ond mae’n atodiad hanfodol sy’n pontio bylchau mewn hygyrchedd ac adnoddau.

Nodweddion Allweddol Decompanion

- Modelau 3D rhyngweithiol gan ddefnyddio ffotogrametreg

- Mapio cyfleusterau ymchwil byd-eang a chyfrifianellau dadelfennu

- Cronfa ddata strwythuredig gyda metadata safonol

- Cydymffurfiaeth â hygyrchedd gwe (WCAG 2.1 Lefel AA)

Cyfeiriadau’r Dyfodol

Integreiddio â dysgu peirianyddol ar gyfer amcangyfrif cyfnodau post-mortem ac ehangu’n barhaus yn seiliedig ar adborth defnyddwyr. Nod y platfform yw pontio bylchau rhwng ymchwil ac addysgu, wrth fynd i’r afael â chyfyngiadau moesegol mewn astudiaethau dadelfennu.

Darllenwch y papur llawn.