Polisïau, Gweithdrefnau a Chanllawiau
Fel rhan o ymrwymiad y brifysgol i gynnal y safonau uchaf o foeseg, trylwyredd a chywirdeb yn ei holl ymchwil, rydym wedi coladu ein polisïau, gweithdrefnau a chanllawiau allweddol sy'n ymwneud ag ymchwil isod.
Mae'r siop-un-stop hon wedi'i chynllunio i gefnogi ein hymchwilwyr, gan wneud cyrchu canllawiau perthnasol yn gyflymach ac yn haws. Os na allwch ddod o hyd i'r hyn yr ydych yn chwilio amdano, cysylltwch â'r Swyddfa Ymchwil drwy researchoffice@wrexham.ac.uk.
Content Accordions
-
Diogelu Data a Rheoli Data
Nod y Ddeddf Diogelu Data (DPA) yw sicrhau preifatrwydd personol, trwy roi hawliau unigolion o safbwynt gwybodaeth amdanynt eu hunain a rhoi cyfrifoldebau ar sefydliadau sy'n prosesu'r wybodaeth hon.
Polisi Gwarchod a Gwaredu Data y Brifysgol
-
Cyllid
Ceisiadau a Chyllid
Mae ein Rheolwyr Datblygu Prosiectau yn darparu cymorth i nodi cyfleoedd ymchwil a phrosiectau a ariennir. Gan weithio gyda chydweithwyr i ymateb i alwadau ymchwil, mae’r Rheolwyr Datblygu Prosiectau hefyd yn sganio’r gorwel ar gyfer cyfleoedd ariannu ac yn rheoli mynediad at Weithwyr Ymchwil Proffesiynol sy’n darparu canllaw cynhwysfawr i ffynonellau cyllid ar gyfer ymchwil.
Gweithwyr Ymchwil Proffesiynol
Gwobrau Datblygu Ymchwil
Mae’r Brifysgol yn cynnig cyfleoedd i staff academaidd wneud cais am gyllid drwy un Dyfarniad Datblygu Ymchwil (RDA) ar gyfer bob blwyddyn academaidd. Defnyddir RDA i helpu staff gynhyrchu gwaith ymchwil cydweithredol, cynhyrchiol, allanol, ac i gynhyrchu allbynnau o’r ymchwil. Derbynnir ceisiadau gan unigolion neu gan grwpiau o gydweithwyr (gydag un cydweithiwr wedi ei enwi fel y prif ymgeisydd).
Mae Staff Prifysgol Wrecsam sydd â chontractau academaidd neu gontractau sy’n ymwneud â gwaith academaidd, ymchwilwyr cynorthwyol ôl-ddoethurol / cynorthwywyr ymchwil a myfyrwyr ymchwil ôl-raddedig, oll yn gymwys i wneud cais am Wobr Datblygu Ymchwil.
Dysgwch fwy ynglŷn â phwy sydd yn/ddim yn gymwys, costau, a’r broses o wneud cais:
Canllaw Amgen i Gyllido
Mae'r Canllaw Amgen i Gyllido Ôl-raddedig Ar-lein n ymwneud â ffynonellau amgen o gyllido - yn enwedig elusennau - a all wneud dyfarniadau (ffioedd, cynhaliaeth, costau ymchwil) i unrhyw fyfyriwr mewn unrhyw bwnc, neu o unrhyw genedligrwydd. Darganfod mwy.
-
Ymchwil Mynediad Agored
Mae Prifysgol Wrecsam wedi ymrwymo i sicrhau bod allbynnau ymchwil (mewn unrhyw gyfrwng) mor hygyrch â phosibl. Yn y cyd-destun hwn, mae ‘Mynediad Agored’ yn golygu bod allbynnau ymchwil ar gael drwy’r rhyngrwyd, yn rhad ac am ddim a heb rwystrau cyfreithiol na thechnegol i’w defnyddio. Storfa ymchwil y Brifysgol yw ein prif lwybr i Fynediad Agored.
-
Myfyrwyr Ymchwil Ôl-raddedig
Prifysgol Caer yw ein corff dyfarnu ar gyfer graddau MPhil/PhD, mae cyfeirio at ddogfennau canllaw allweddol felly yn cwmpasu dogfennau Prifysgol Wrecsam a Phrifysgol Caer (UoC).
Ffurflenni Gweinyddu (gan gynnwys Blaendal Traethawd Ymchwil ac Estyniad i Gofrestriad)
Penodi Arholwyr a Chynnal Polisi Viva
-
Pwyllgor Ymchwil
Pwyllgor o’r Bwrdd Academaidd yw’r pwyllgor ymchwil, sydd wedi’i sefydlu i gefnogi’r Bwrdd Academaidd yn ei gyfrifoldebau am ymchwil ar draws y Brifysgol, gan gynnwys datblygu polisïau a gweithdrefnau perthnasol.
Dyddiadau Cyfarfodydd y Pwyllgor Ymchwil 2023/24
Hydref 2023 Ionawr 2024 Ebrill 2024 Mehefin 2024 Aelodaeth Cylch Gorchwyl y Pwyllgor Ymchwil
-
Rhagoriaeth Ymchwil
.png)
Mae'r Fframwaith Rhagoriaeth Ymchwil
Mae'r Fframwaith Rhagoriaeth Ymchwil (REF) yn asesu ansawdd ymchwil mewn prifysgolion yn y DU. Mae Research England, Cyngor Cyllido Addysg Uwch Cymru (CCAUC), Cyngor Cyllido yr Alban (SFC) a'r Adran dros yr Economi yng ngogledd Iwerddon yn cydredeg y Fframwaith Rhagoriaeth Ymchwil.
Asesiad o’r Effaith ar Gydraddoldeb Ebrill 2021
Mae System Gwybodaeth Ymchwil Wrecsam
Mae System Gwybodaeth Ymchwil Wrecsam yn darparu un ffynhonnell o wybodaeth y gellir ei chyhoeddi y gellir ei defnyddio i arddangos ymchwil yn y brifysgol i helpu i dyfu hunaniaeth broffesiynol ein cymuned ymchwil.
ORCID
Mae ORCID yn galluogi cysylltiadau tryloyw a dibynadwy rhwng ymchwilwyr, eu cyfraniadau, a'u cysylltiadau trwy ddarparu dynodwr unigryw, parhaus i unigolion ei ddefnyddio wrth iddynt ymgymryd ag ymchwil.
-
Uniondeb a Moeseg Ymchwil
Moeseg
Trosolwg Moeseg Ymchwil a Dogfennau Ategol
Policy and Procedures
Gweithdrefn Moeseg Ymchwil: Effaith andwyol bosib ar yr amgylchedd
Polisi Cymeradwyaeth FoesegolCymeradwyaeth Foesegol Prifysgol Caer ar gyfer Prosiectau Traethodau Ymchwil Ôl-raddedig
Gweithdrefn Cymeradwyo Moeseg Ymchwil ar gyfer Ymchwil a Wneir y tu allan i'r DU
Gweithdrefn Moeseg Ymchwil ar gyfer gwaith a wneir gydag Anifeiliaid
Gweithdrefn Moeseg Ymchwil ar gyfer gwaith a wneir gyda Gweddillion Dynol
Gweithdrefn Apelio Moeseg Ymchwil y Brifysgol
Uniondeb
Datganiad Uniondeb Ymchwil Blynyddol 24/25
Datganiad Uniondeb Ymchwil Blynyddol 23/24
Datganiad Uniondeb Ymchwil Blynyddol 22/23
Gweithdrefn Uniondeb Academaidd
Polisi Uniondeb Academaidd ac Ymchwil Prifysgol Caer
Passport Process (NHS Research)
- Sefydliadau, Canolfannau, a Grwpiau Ymchwil yn Wrecsam
- Polisi a Gweithdrefn Camymddwyn mewn Ymchwil
-
Cyfathrebu Prosiect Ymchwil
Gall cyfathrebu ymchwil ymddangos yn frawychus, yn waith caled ac yn heriol ar adegau, yn enwedig os yw'r ymchwil yn gymhleth, yn amrywiol ac yn debygol o fod wedi cymryd nifer of flynyddoedd. Gall fod yn anodd nodi cysyniadau allweddol ac effaith ddisgwyliedig yr ymchwil, sydd yn allweddol i gyfathrebu’n effeithiol i wahanol bartïon â diddordeb.
Fodd bynnag, mae gan gynllunio ar gyfer ac ymgysylltu â chyfathrebu ar gyfer y cylch bywyd ymchwil lawer o fuddion:
Enw da
Mae sicrhau fod gan gyd-weithwyr, cymheiriaid, myfyrwyr a’r gymuned addysg ehangach yr holl wybodaeth am weithgareddau ymchwil a chanlyniadau yn gwella enw da a chyfleoedd ymchwil yn y dyfodol. Mae’n helpu i ddenu myfyrwyr, partneriaid a chyd-ymchwilwyr.Gall ymgysylltu cyhoeddus â chymunedau nad ydynt yn academaidd gynorthwyo gydag ‘effaith byd go iawn’ ymchwil. Gall gynyddu cefnogaeth ar gyfer nodau ymchwil a chanlyniadau disgwyliedig a gall hefyd ehangu’r gronfa o gyfranogwyr posibl.
Cysylltiadau
Mae sicrhau fod gan bartïon sydd â diddordeb ddealltwriaeth a gwybodaeth o ymgymeriadau ymchwil yn helpu i ehangu rhwydweithiau a chyfleoedd cyd-weithio. Gall hefyd agor drysau i amrywiaeth o gyfleoedd megis fel siaradwr gwadd, rolau ar baneli a phenodiadau ymgynghorol.Dylanwad
Gall cyfathrebu ymchwil yn effeithiol alluogi cyrraedd ac ymgysylltu â llunwyr polisi ac unigolion dylanwadol allweddol, gan ddarparu cyfle i siapio a dylanwadu ar bolisïau.Gwelededd
Gall rhannu nodau ymchwil, amcanion, dulliau, canlyniadau a fwriedir a’r potensial ar gyfer effaith y tu hwnt i’r byd academaidd helpu i ledaenu’r neges. Gall gefnogi’r diwylliant ymchwil o fewn yr adran, y gyfadran neu’r sefydliad ehangach ac mae’n helpu i ddarparu tystiolaeth ar gyfer craffu allanol.
Cyllid
Gall gallu cyfleu prosiect ymchwil yn llwyddiannus helpu i sicrhau cyllid gan ei fod yn galluogi'r rhai sy'n dyfarnu'r cyllid i ddeall yr ymchwil a'r effaith bosibl yn glir. Gall cyfathrebu ar gyfer yr ymchwil gyfan ochr yn ochr â lledaenu effeithiol hefyd gefnogi cyfleoedd ariannu yn y dyfodol.Dysgwch fwy yn y ddogfen ganllaw isod.
- Strategaethau Ymchwil
- Ymchwil Dibynadwy
-
Mentrau'r DU sy'n Berthnasol i Staff sy'n Ymwneud ag Ymchwil
Concordat Datblygu Ymchwilwyr
Esboniad o'r Concordat Datblygu Ymchwilwyr
Vitae
Mae Prifysgol Wrecsam yn aelod o Vitae, arweinydd wrth gefnogi datblygiad proffesiynol ymchwilwyr. Yn seiliedig ar Fframwaith Datblygu Ymchwil Vitae, rydym yn cynnig cyfleoedd hyfforddi a datblygu cynhwysfawr drwy gydol y flwyddyn academaidd, gan gynnwys Ymchwiliwr Hyderus.
- Staff Academaidd sy'n Ymweld
-
Datganiad ar Asesiad Ymchwil
Datganiad Prifysgol Wrecsam ar Asesu Ymchwil Cyfrifol
Cyflwyniad
Gweledigaeth Prifysgol Wrecsam yw bod yn brifysgol ddinesig fodern flaenllaw, sy’n ymgysylltu’n rhanbarthol ac yn fyd-eang, gan ddarparu sgiliau ac ymchwil ddylanwadol sy’n hybu twf economaidd ac arloesi er lles y genhedlaeth bresennol a chenedlaethau’r dyfodol. Erbyn 2030, ein nod yw cyflawni rhagoriaeth o ran ansawdd, perthnasedd ac effaith ein gwaith ymchwil a menter rhyngddisgyblaethol, gan ganolbwyntio ar arloesi a thrawsnewid llwyddiannus. Mae’r brifysgol wedi ymrwymo i feithrin ac annog ymgysylltiad staff mewn ymchwil ac ysgolheictod, gan wella gallu ac effaith yn gyffredinol o ran ymchwil o fewn y sefydliad a thu hwnt. Mae angen inni fonitro cynnydd y brifysgol ar bob lefel mewn ffyrdd cywir, teg a dealladwy.
Rydym yn cydnabod y gall metrigau ymchwil fod yn adnoddau defnyddiol ar gyfer olrhain ein cynnydd mewn amgylchiadau penodol, yn seiliedig ar arferion mewn gwahanol ddisgyblaethau. Mae’r datganiad hwn yn adlewyrchu ein hymrwymiad i Ddatganiad San Francisco ar Asesu Ymchwil (DORA). Mae’n cyd-fynd â mentrau allweddol eraill yn y maes hwn, fel Maniffesto Leiden ar gyfer Metrigau Ymchwil a’r adroddiad The Metric Tide. Mae ein dull wedi’i seilio ar yr egwyddor o asesu ymchwil yn gyfrifol, ac rydym wedi ymrwymo i osgoi defnyddio metrigau sy’n seiliedig ar gyfnodolion yn lle sicrhau ansawdd ymchwil wrth wneud penderfyniadau ac wrth werthuso cyfraniadau ymchwilwyr unigol.
Ymrwymiad
Mae Prifysgol Wrecsam wedi ymrwymo i hyrwyddo diwylliant cynhwysol a rhyngddisgyblaethol o ymchwil a menter. Mae’r amgylchedd hwn wedi’i ddylunio i ddatblygu gallu staff a myfyrwyr i gyflawni rhagoriaeth, ysgogi arloesi, a hwyluso trawsnewid. Mae’r brifysgol yn cydnabod cyfraniadau gwerthfawr yr holl staff academaidd, gan gydnabod bod pob gweithgaredd ymchwil yn bwysig a bod pob aelod o’r tîm academaidd yn chwarae rhan yn y broses o wella portffolio ymchwil y sefydliad.
Gall asesiadau ymchwil yn y brifysgol gael eu llywio gan amrywiol brosesau, gan gynnwys y Model Dyrannu Llwyth Gwaith (WAM), Adolygiadau Datblygu Perfformiad (PDR), prosesau recriwtio a dyrchafu, penderfyniadau ynghylch cyllid mewnol ac allanol, dyrannu adnoddau, a datganiad y brifysgol i’r Fframwaith Rhagoriaeth Ymchwil (REF). Mae’r brifysgol wedi ymrwymo i sicrhau bod y penderfyniadau hyn yn seiliedig ar feirniadaethau academaidd arbenigol ansoddol, wedi’u hadolygu gan gyfoedion. Defnyddir dangosyddion meintiol yn dryloyw ac mewn cyd-destun ond ni fyddant byth yn cael eu defnyddio fel mesuriadau annibynnol o ansawdd ymchwil.
DORA | Argymhellion i sefydliadau ymchwil
· Byddwch yn glir ynglŷn â’r meini prawf a ddefnyddir i wneud penderfyniadau ynghylch recriwtio, daliadaeth a dyrchafu, gan bwysleisio’n glir, yn enwedig i ymchwilwyr cynnar, fod cynnwys gwyddonol papur yn llawer pwysicach na metrigau cyhoeddiad neu ba gyfnodolyn y cafodd ei gyhoeddi ynddo.
· At ddibenion asesu ymchwil, ystyriwch werth ac effaith yr holl allbynnau ymchwil (gan gynnwys setiau data a meddalwedd) yn ogystal â chyhoeddiadau ymchwil, ac ystyriwch ystod eang o fesuriadau effaith gan gynnwys dangosyddion ansoddol o effaith ymchwil, megis dylanwad ar bolisi ac ymarfer.
DORA | Argymhellion i ymchwilwyr
- Wrth gymryd rhan mewn pwyllgorau sy’n gwneud penderfyniadau ynghylch cyllid, recriwtio, daliadaeth neu ddyrchafu, gwnewch asesiadau sy’n seiliedig ar gynnwys gwyddonol yn hytrach na metrigau cyhoeddiadau
- Lle bynnag y bo’n briodol, dyfynnwch lenyddiaeth wreiddiol lle cyhoeddwyd arsylwadau am y tro cyntaf yn hytrach nag adolygiadau, er mwyn rhoi clod lle mae clod yn ddyledus
- Defnyddiwch ystod o ddangosyddion a metrigau erthyglau ar ddatganiadau personol/cefnogol, fel tystiolaeth o effaith erthyglau cyhoeddedig unigol ac allbynnau ymchwil eraill
- Heriwch arferion asesu ymchwil sy’n dibynnu’n amhriodol ar Ffactorau Effaith Cyfnodolion, a hyrwyddwch ac addysgwch arferion gorau sy’n canolbwyntio ar werth a dylanwad allbynnau ymchwil penodol
- Wrth gymryd rhan mewn pwyllgorau sy’n gwneud penderfyniadau ynghylch cyllid, recriwtio, daliadaeth neu ddyrchafu, gwnewch asesiadau sy’n seiliedig ar gynnwys gwyddonol yn hytrach na metrigau cyhoeddiadau
